जूनपासून केरळमधील सर्व शाळांमध्ये रोबोटिक्सचा अभ्यास अनिवार्य

 

 

केरळच्या शाळांमध्ये सक्तीचे रोबोटिक्स शिक्षणाचे मॉडेल, फिनलंड आपल्या देशात लागू करणार आहे. यासाठी फिनलंडने आपले शिष्टमंडळ केरळला पाठवले आहे. केरळचे हे मॉडेल समजून घेण्यासाठी आणि अभिप्राय घेण्यासाठी त्यांचे प्रतिनिधी शाळांना भेट देत आहेत. केरळ शिक्षण विभागासोबत काम करणाऱ्या केरळ इन्फ्रास्ट्रक्चर अँड टेक्नॉलॉजी फॉर एज्युकेशन (KITES) चे सीईओ के. अन्वर सदत म्हणाले की, यापूर्वी केरळच्या शिक्षण विभागाची टीम, फिनलंडचे शिक्षण मॉडेल समजून घेण्यासाठी फिनलंडला गेली होती. जेव्हा फिनलंडला, शाळांमध्ये तांत्रिक शिक्षणाची केरळच्या यशाची माहिती मिळाली तेव्हा ते केरळला आले. येथील शाळांना भेट दिल्यानंतर, त्यांनी त्यांच्या देशातील सर्व शाळांमध्ये ते अनिवार्य करण्याची योजना आखली आहे. ऑक्टोबर २०२३ च्या सुरुवातीला, फिनलंडच्या शिक्षण मंत्र्यांनी केरळच्या शाळांमध्ये संगणक शिक्षणाचे मॉडेल समजून घेण्यासाठी २२ सदस्यांच्या शिष्टमंडळासह केरळला भेट दिली होती.