'सूत्रां'ना दिसलेली लढाई - भाग २

 

 

 

कारगिलच्या युद्धानंतर असाच अभ्यासक्रम करताना त्या वेळचे आमचे प्रमुख लेफ्टनंट जनरल पंकज जोशी उद्घाटनाच्या भाषणात म्हणाले होते, 'येणाऱ्या काळामध्ये माध्यमांचे महत्त्व वाढत जाईल. पूर्वी युद्ध कसे होत होते, कोठे कारवाई केली जात होती हे जनतेला फारसे कळायचे नाही. कारण तेव्हा मर्यादित साधने उपलब्ध होती. साहजिकच युद्धातील विजय आपल्या नागरिकांना कळण्यासाठी किंवा कळविण्यासाठी मोठे कष्ट घ्यायला लागायचे. पण माध्यमांच्या विस्फोटानंत परिस्थिती बदलते आहे. आपण युद्ध जिंकलो, कसे जिंकलो हे अतिशय वेगाने जनतेपर्यंत पोहचविले जाते ते माध्यमांतर्फे, ही चांगली गोष्ट असली तरीही ती अधिक जबाबदारीने करण्याची गोष्ट आहे हेदेखील तुम्ही ध्यानात ठेवले पाहिजे.' त्यांचे ते शब्द किती सार्थ होते अनुभव गुरुवारी आला. याचा अनुभसमाजमाध्यमांवर होणाऱ्या चर्चा आणि दिली जाणारी माहिती ही विश्वासार्ह असते किंवा नाही हा वेगळा चर्चेचा विषय आहे. त्याच्यावर किती अवलंबून राहायचे हे ही ठरविता येते. पण समाजमाध्यमांप्रमाणे मुख्य प्रवाहातील माध्यमांनी वागून चालणार नाही. त्यांना आपली जबाबदारी पार पाडावीच लागेल. पाकिस्तानला धडा शिकविला जाईलच; पण त्याचबरोबर माध्यमे म्हणून वृत्तवाहिन्यांनीही आपल्या धड्यांची पुन्हा एकदा उजळणी करण्याची गरज आहे, हे नक्की.