माहीत असावं असं काही

 

भारतात १६ एप्रिल १८५३ या दिवशी पहिल्यांदा रेल्वे धावली होती. ही पहिली रेल्वे बोरीबंदर (आताचे छत्रपती शिवाजी टर्मिनस) ते ठाणे या दरम्यान धावली. सुमारे ३४ किलोमीटरचे हे अंतर कापण्यासाठी रेल्वेला ५७ मिनिटे लागली होती. या रेल्वेला सिंध,सुल्तान आणि साहेब या तीन इंजिनांनी खेचले होते. या गाडीत चारशे विशेष अतिथी होते. या गाडीचे स्वागत मोठ्या जल्लोषात केले गेले. यात बँडचादेखील समावेश होता.