बांगलादेशातील गुरुदेव रवींद्रनाथ टागोर यांच्या वडिलोपार्जित घराची जिहाद्यांकडून तोडफोड
Total Views |
ढाका (बांगलादेश) - सिराजगंज येथील गुरुदेव रवींद्रनाथ टागोर यांच्या वडिलोपार्जित घरावर धर्मांध मुसलमानांनी आक्रमण करून त्याची तोडफोड केली. जमात-ए-इस्लामी आणि हेफाजत-ए-इस्लाम या जिहादी संघटनांच्या जमावाकडून ही तोडफोड करण्यात आली. तोडफोडीची माहिती मिळताच शहजादपूर पोलीस ठाण्याचे पोलीस घटनास्थळी पोचले; परंतु त्यांनी जिहाद्यांवर कोणतीही कारवाई केली नाही, तसेच या प्रकरणी कुणावरही गुन्हा नोंदवण्यात आलेला नाही.
१. जिहादी संघटनांकडून २-३ दिवसांपासून या इमारतीची तोडफोड करण्याचा कट रचला जात होता. तोडफोड करणारे स्थानिक नव्हते, असे सांगितले जात आहे. आक्रमण करण्यापूर्वी या जिहाद्यांनी येथे एक मोर्चाही काढला होता.
२. राजधानी ढाक्यापासून अनुमाने १२५ किमी अंतरावर असलेल्या गुरुदेव टागोर यांच्या या दुमजली वडिलोपार्जित घराला संग्रहालयाचा दर्जा देण्यात आला आहे. गुरुदेव रवींद्रनाथ टागोर यांचे आजोबा द्वारकानाथ टागोर यांनी वर्ष १८४० मध्ये हे घर बांधले होते. वर्ष १९७९ मध्ये बांगलादेशाच्या पुरातत्व विभागाने त्याला संरक्षित इमारतीचा दर्जा दिला.
सनातन प्रभात १२/६/२५