जूनपासून केरळमधील सर्व शाळांमध्ये रोबोटिक्सचा अभ्यास अनिवार्य
Total Views |
केरळच्या शाळांमध्ये सक्तीचे रोबोटिक्स शिक्षणाचे मॉडेल, फिनलंड आपल्या देशात लागू करणार आहे. यासाठी फिनलंडने आपले शिष्टमंडळ केरळला पाठवले आहे. केरळचे हे मॉडेल समजून घेण्यासाठी आणि अभिप्राय घेण्यासाठी त्यांचे प्रतिनिधी शाळांना भेट देत आहेत. केरळ शिक्षण विभागासोबत काम करणाऱ्या केरळ इन्फ्रास्ट्रक्चर अँड टेक्नॉलॉजी फॉर एज्युकेशन (KITES) चे सीईओ के. अन्वर सदत म्हणाले की, यापूर्वी केरळच्या शिक्षण विभागाची टीम, फिनलंडचे शिक्षण मॉडेल समजून घेण्यासाठी फिनलंडला गेली होती. जेव्हा फिनलंडला, शाळांमध्ये तांत्रिक शिक्षणाची केरळच्या यशाची माहिती मिळाली तेव्हा ते केरळला आले. येथील शाळांना भेट दिल्यानंतर, त्यांनी त्यांच्या देशातील सर्व शाळांमध्ये ते अनिवार्य करण्याची योजना आखली आहे. ऑक्टोबर २०२३ च्या सुरुवातीला, फिनलंडच्या शिक्षण मंत्र्यांनी केरळच्या शाळांमध्ये संगणक शिक्षणाचे मॉडेल समजून घेण्यासाठी २२ सदस्यांच्या शिष्टमंडळासह केरळला भेट दिली होती.
केरळ फिनलंडला तज्ञांचे पथक आणि तांत्रिक सहाय्य पुरवेल.
विद्यार्थी रोबोटिक्स-एआय समस्या सोडवणे शिकतात सदत म्हणतात- राज्यात त्याची अंमलबजावणी होण्यापूर्वीच, केरळमधील काही शाळांमधील दहावीच्या १५% विद्यार्थ्यांनी रोबोटिक्स-एआय शिकले होते. ते अधिक समस्या सोडवणारे बनले आहेत आणि त्यांचा एक गंभीर दृष्टिकोन आहे. आता दहावीचे सर्व ४.३ लाख विद्यार्थी रोबोटिक्स शिकतील. १० हजार शिक्षकांना प्रशिक्षण देण्यात आले आहे.
विशेष म्हणजे केरळ फिनलंडमधील सर्व शाळांमध्ये रोबोटिक्सच्या सिद्धांताचा तसेच व्यावहारिक अभ्यास करण्यासाठी फिनलंडला तांत्रिक सहाय्य आणि तज्ञांची टीम पुरवेल. यापूर्वीही केरळने फिनलंडच्या शाळांमध्ये लिटिल काइट्स मॉडेल सुरू करण्यात फिनलंडला मदत केली आहे. याअंतर्गत, शाळांमध्ये मुलांना इलेक्ट्रॉनिक्स, अॅनिमेशन आणि एआय सारख्या तंत्रज्ञानात तयार केले जाणार आहे.
दैनिक भास्कर ९/६/२५