पंतप्रधान मोदी करणार ‘९ हजार अश्वशक्ती’ रेल्वे इंजिनाचे राष्ट्रार्पण
Total Views |
नवी दिल्ली- पंतप्रधान मोदी २६ व २७ मे रोजी गुजरात दौऱ्यावर आहेत.यावेळी दाहोद येथील रेल्वे उत्पादन युनिटमध्ये तयार झालेल्या लोकोमोटिव्ह इंजिनाचे लोकार्पण करतील. ९ हजार अश्वशक्तीच्या या इंजिनाचे वैशिष्ट्य म्हणजे ४ हजार ६०० टनापर्यंत वजन वाहून नेण्याची त्याची क्षमता आहे. रेल्वे इंजिनमध्ये पहिल्यांदाच एअर कंडीशनिंग आणि ड्रायव्हरसाठी शौचालयाची सोय असेल.
२० हजार कोटी रुपये खर्चून बांधलेला दाहोद येथील रेल्वे कारखाना पुढील १० वर्षात १ हजार २०० इंजिन्स तयार करेल. यांची देशांतर्गत आणि आंतरराष्ट्रीय स्तरावर निर्यात करण्याची योजना आहे.
हा १०० टक्के ‘मेक इन इंडिया’ उपक्रम असून सध्या इथे चार इंजिनांचे उत्पादन सुरु आहे. या सर्वांवर ‘ दाहोदमध्ये उत्पादित’ असे लेबल असेल. या प्रकल्पामुळे १० हजार लोकांसाठी प्रत्यक्ष आणि अप्रत्यक्ष रोजगार निर्माण होईल. स्थानिक अर्थव्यवस्थेला मोठे बळ मिळेल.
मुंबई तरुण भारत २२.५.२५
